సోలార్ విండ్ అనేది సూర్యుని వెలుపలి వాతావరణం నుంచి వెలువడే చార్జ్డ్ పార్టికల్స్ నిరంతర ప్రవాహాన్ని సూచిస్తుంది. దీనిని కరోనా అని పిలుస్తారు.పార్కర్ సోలార్ ప్రోబ్ మిషన్లో సూర్యుని ఉపరితలానికి దగ్గరగా వెళ్లడం, తీవ్రమైన వేడిని, రేడియేషన్ను ఎదుర్కోవడం, సోలాడ్ విండ్, భూమిపై దాని ప్రభావాల గురించి ముఖ్యమైన సమాచారాన్ని సేకరించడం వంటివి ఉంటాయి. సోలాడ్ విండ్, సూర్యుడి నుంచి భూమికి విలువైన సమాచారాన్ని చేరవేస్తుంది. సంబంధిత అధ్యయనం లీడ్ ఆథర్, కాలిఫోర్నియా యూనివర్సిటీకి చెందిన ప్రొఫెసర్ స్టువర్ట్ బేల్.. సోలాడ్ విండ్ వెనుక ఉన్న యంత్రాంగాలను అర్థం చేసుకోవాల్సిన అవసరాన్ని నొక్కి చెప్పారు. ఈ ప్రక్రియలను అర్థం చేసుకోవడం ద్వారా, సూర్యుడు శక్తిని ఎలా విడుదల చేస్తాడు, మన కమ్యూనికేషన్ నెట్వర్క్లకు ముప్పు కలిగించే భూ అయస్కాంత తుపానులను ఎలా నడిపిస్తాడనే దాని గురించి అవగాహన పెరుగుతుంది.
తీవ్రమైన సౌర తుపాను పరిణామాలు ఆందోళనకరంగా ఉన్నాయి. అది నెలలు లేదా సంవత్సరాల పాటు ఇంటర్నెట్ యాక్సెస్కు అంతరాయం కలిగిస్తుంది. ఉపగ్రహాలు, విద్యుత్ లైన్లను పనికిరానిదిగా చేస్తుంది. మన ఆధునిక సమాజం వివిధ ముఖ్యమైన సేవల కోసం ఇంటర్కనెక్టడ్ కమ్యూనికేషన్ నెట్వర్క్లపై ఎక్కువగా ఆధారపడుతుంది, కాబట్టి దీని ప్రభావం తీవ్రంగా ఉంటుంది. సౌర మంటలు, సన్స్పాట్లతో సంబంధం ఉన్న అయస్కాంత శక్తి విడుదల ఫలితంగా ఏర్పడే రేడియేషన్ తీవ్రమైన పేలుళ్లను సౌర కార్యకలాపాలలో ఒక రూపంగా పేర్కొనవచ్చు. సూర్యుని ఉపరితలంపై ప్రకాశవంతమైన ప్రాంతాలుగా కనిపించే ఈ పేలుడు సంఘటనలు నిమిషాల నుంచి గంటల వరకు ఉంటాయి. సౌర మంటలు మొత్తం స్పెక్ట్రం అంతటా ఫోటాన్లను విడుదల చేస్తాయి. వాటి ప్రభావాలు ప్రధానంగా ఎక్స్-కిరణాలు, ఆప్టికల్ లైట్లో మానిటర్ అవుతాయి. ఎలక్ట్రాన్లు, ప్రోటాన్లు, భారీ కణాలు వంటి కణాల యాక్సలరేషన్కి ఇవి దోహదం చేస్తాయి. సౌర మంటలు, కరోనల్ మాస్ ఎజెక్షన్లు, హై-స్పీడ్ సోలార్ విండ్, సోలార్ ఎనర్జిటిక్ పార్టికల్స్ అన్నీ సౌర కార్యకలాపాలు వెదజల్లేవి. వీటి వెనుక ఉన్న సాధారణ చోదక శక్తి సౌర అయస్కాంత క్షేత్రం. వీటి లక్షణాలను బాగా అర్థం చేసుకోవడానికి, అవి ఏర్పడే తీరును అంచనా వేయడానికి, భూమికి, దాని సాంకేతిక అవస్థాపనకు అవి కలిగించే పొటెన్షియల్ రిస్క్లను తగ్గించడానికి శాస్త్రవేత్తలు ఈ సంఘటనలను నిశితంగా పర్యవేక్షిస్తారు. https://t.me/offerbazaramzon
0 Comments