రోడ్డు ప్రమాదంలో కేసర్ పాన్ మసాలా కంపెనీ యజమాని భార్య మృతి !

ఉత్తరప్రదేశ్‌లోని ఆగ్రా లక్నో ఎక్స్‌ప్రెస్‌వేపై జరిగిన రోడ్డు ప్రమాదంలో కాన్పూర్‌కు చెందిన ప్రముఖ కేసర్ పాన్ మసాలా కంపెనీ యజమాని హరీష్ మఖిజా భార్య ప్రీతి మఖిజా మరణించారు. దీంతో పాటు మద్యం వ్యాపారి తిలక్ రాజ్ శర్మ భార్య, కారు డ్రైవర్‌కు తీవ్ర గాయాలయ్యాయి. కేసర్ పాన్ మసాలా యజమాని హరీష్ మఖిజా తన భార్య, తిలక్ రాజ్ శర్మ, దీపక్ కొఠారీలతో కలిసి ఓ ప్రైవేట్ కార్యక్రమానికి హాజరయ్యేందుకు కాన్పూర్ నుంచి ఆగ్రాకు వేర్వేరు వాహనాల్లో వెళ్తున్నారు. కర్హల్‌లోని ఆగ్రా-లక్నో ఎక్స్‌ప్రెస్‌వేలోని 79 కిలోమీటరు సమీపంలో టైర్ పగిలి డివైడర్‌ను ఢీకొనడంతో కారు బోల్తా పడింది. ఘటనపై సమాచారం అందుకున్న అంబులెన్స్ ఉద్యోగులు పోలీసులకు సమాచారం అందించారు. క్షతగాత్రులను సైఫాయ్ మెడికల్ యూనివర్శిటీకి తరలించారు. అప్పటికే ప్రీతి మఖిజా చనిపోయినట్లు వైద్యులు ప్రకటించారు. డ్రైవర్, తిలక్ శర్మ భార్యను చికిత్స కోసం ట్రామా సెంటర్‌లో చేర్చారు.